الربــــــــــاعي (كارينا \كاترينا\بريانكا\ديبيكا)
حان وقت الفضفضة عن ما يجول في خاطري
في الفترة الاخيرة شفت افلام بشكل مكثف
افلام متحمستلها وافلام لا
افلام شفتها من قبل وافلام لا
عشان اقرر موقفي من الرباعي بكل وضوح
كارينا \ دخلت عالمنتدى وانا حاقدة عليها وبكرها ومش طايقتها
لحد فترة قريبة جدا قررت اني ارجع افكر بالموضوع
طبعا كارينا قبل مااسجل بالمنتدى كانت نجمتي الاولى
كتير كنت احبها واول ما اشوفها اتابعها واميزها عن غيرها
بس اختي كانت تضل تحكي انها مغرورة ومتصنعة و بس شغل اغراء
وما بتعرف تمثل وبتطلع بكل الافلام ومستولية على شباب بوليوود
واختي طريقتها جيدةبالاقناع وبتأثر علي فعلا
<<معروف عني اني مستقلة بكل افكاري لكن لما بيجي الموضوع ع اختي كتيير بتأثر فيها
المهم من وقتها وانا دايرة وجهي عن كارينا واحكي لاززم تسمح لغيرها يمثل وهيك
واقتنعت بمسألة انها شايفة حالها
ولكــــــــــــــــــــــ ــــــــــن
عدت الى رشدي في الاونة الاخيرة وركزت شفت اغاني الها شفت افلام الها استرجعت ذكرياتي مع افلامها
كارينا
تمثيل رائع \ اداء مميز \ ممثلة تووووووووووب
حلوة قلبا وقالبا \ اناقتها ولبسها الي بتختاره بالافلام جدا مميز بتخليك تعشق الهند لما تشوف الساري او اللبس البنجابي عليها
عيونها شكلها ابتسامتها كلهم مميزين
مقنعة جدا بأداء الاغاني..بتنسى ان في مغنية عم بتغني بدالها
لدرجة بتحس كل الاصوات مناسبة إلها من روعة ادائها
بتبهرك بتخليك تندمج معها بالفلم بتنسى كل شي وبتكون بعالم آخر
مناسبة مع جميع الممثلين بسسس عمران خلوه عجنب
عمران طفووول كتير وهي وجها بيوجي انها ناضجة لهيك ما بحسهم متناسبين
فإيك مي اور ايك تو كانت اوريدي اكبر منه بالفلم \ ما حضرت غوري تيري بيار مين بس ماحسيتهم متناسقين
يمكن لو اشوف غوري تيري بيار مين اغير فكرتي
بتمنى ان بوليود ترجع لرشدها وترجع كارينا على قائمة اول الممثلات المطلوبات بالافلام القوية
المهم
كارينا برأيي من ضمن الموجودين عالساحة حاليا
الافضــــــــــــــــــــ ـــــــــــــــــــــــــ ـــــــــــــــــــــــــ ـــل وبلا منـازع
نقطة سطر انتهى
---
بريانكا شوبرا
الشعب العربي هون بعرف اني بكرها
وبتعرفوا انها بتستفزني ولما بشوفها بحس اني لازم اغمض عيني
بس في فلم - مش مشهور - خلاني اغير فكرتي عنها
والي هو -
يقين - مع ارجون رامبال
شو هالادااء الي بمحله
تمثيلها قوي
خلتني استظرفها بهالفلم
طبعا انا سبق وقلت ان فلم باااارفي فلم معجزة بالنسبة الها
ادت الدور بكل إتقان وصدق وقبلت الدور رغم انه ما بيبرز فيها اي نواحي جمالية
كانت قدها وهو الدور الي رح تضل الناس تتزكره الها
مبدعة بايتراز \ انجانا انجاني\ وتس يور راشي - وااااااااااااااااااااااو شو هالتنوع في الطلّات فلم خيالي لإلها-
وقت - قليلات الممثلات الشابات المبدعات بدور الزوجة -كارينا وبريانكا ابدعوا بهالمجال-
وغيرهم
ومتشوقة لفيلم ماري كوم بشكل خرافي - اثبتت بريا بهالفلم ان مش بس الممثلين بيغيروا لوكاتهم او بشتغلو ع اجسامهم عشان يقدمو دور مميز..لأ وكمان الممثلات بنفس المستوى وبإمكانهم يعملوا اكتر كمان
بلوم بريا على جرئتها الزايدة باللبس - على اغنيتها مع pitbull
.gif "(17)")
في صورة زعلتني شفتها كانت مع ريخا ولابسة فستان نص كم
وبتضحك بطريقة ما كانت مناسبة لــقدر المرأة الي امامها
موفقة بريا
---
كات
لا زلت على موقفي ولن اتزحزح
حاسبينها ممثلة على بوليود
بتحزن صارت بوليوود من بعد هالسمعة
اعتقد ان من العار على السينما الهندية العريقة ان تضم كاترينا تحت مسمى ممثلة
^^ الجُملة هاي بتلخص كل الحكي
اكيد وصلتكم الفكرة
--
ديبيكا
ااااااخ اجتاحت بوليوود بــغير حق
من وين ابدا؟؟رح ابدا ألوم شاروخاااااان
ليش بتمثل معها يا شاارووو ..قدرك ومكانك وتمثيلك كله لازم يكون مع وحدة افضل
ديبيكا دايما متشابهة ما بتتغير ما بتقدم شي مميز مش متنوعة
هي نفسها نفسها بتشوفها بنفس النسخة بكل الافلام
نفس الحركات اللبس المشاعر الاحاسيس التعبيرات
بعدين موضة نص بكيني نص ساري؟؟! عفوا
يعني ممكن تلبسلنا نص بكيني نص ساري بأغنية اغنيتين
فلم فلمين..اما هيك مكملة على كل الافلام!!
بشع جدا لبسها استايلها تصرفاتها حركاتها
الممثلة لازم يكون فيها شي مميز لازم تبدع لازم تظهر تقنع تأثر
وجودها بأي فلم بخليني ما احس بالقصة ولا بالاخراج ولا بأي شي
دبيكا شهرة على ولا شي
ممثلة يجب ان لا تستمر في صناعة السينما
شايفين حبي لعــامر \لو عامر مثّل فيلم مع دبيكا ما رح احضره حتى لو كان فلم كامل الاوصاف
طبعا هاد في حال كان دورها قوي مش متل كات في دووم 3-راقصة بالاغاني وحاطينها بالكاست ههه
-
---
انا بعـــلنا كلــمة
وبوجــهها لقنــــــــاص
اذا في يوم من الايــام قلت اني حبيت كــاترينا او ديبيكــا او رانبير
اطردوني من المنتـــدى في نفس اللحظــة واتهمــوني بخيانة بــوليوود