روآيـــــــة مـــــــــآســـآة معـــلمــة
الشخصيات
الاسم :مرام _العمل :معلمة _ العمر:32
الاسم: مها _العمل :ممرضة_العمر:29 _الشخصية :اخت مرام
الاسم :عبد العزيز_العمل :مهندس_العمر:35_الشخصية :زوج مرام
الاسم:هند _ العمل :معلمة _العمر:30 _الشخصية :معلمة في مدرسة مرام
الاسم : دنيا_العمل :معلمة_العمر:26_الشخصية:معلم في مدرسة مرام
الاسم عائشه :_العمل :مديرة_العمر:37 _الشخصية:مديرة في مدرسة مرام
ملاحظة
طبعا في فصل (ابلة مرام) توجد 30 طالبة ما حيذكر اسمهم الا في كل مصيبة كل ما حتقوم مرام من النوم حتواجها مصيبة في البيت والمدرسة
اليوم الاول
المصيبة الاولى
زي كل يوم ونظام المعلمات تقوم مرام مستعدة للمدرسة وتتجهز مرام:عبد العزيز اشبك نسيت المدرسة يلا قوم
عبد العزيز :انا ما صدقت اخلص من المدرسة والقومة الي بدري تجي زوجتي تقومني وتقول يلا مدرسة
مرام :لا يشيخ ما حد قلك تتزوج ابلة
عبد العزيز: يلا طيب بس بسرعة
في المدرسة
مرام : كيفكم يا بنات
البنات:بخير وانت يا ابلة
مرام:بخير ....... يلا افتحوا صفحة 20
توقف مرام على السبورة وتكتب التاريخ وعنوان الدرس
وشوية مرام تسمع صوت احدي يبكي
تطل على البنات تلاقي مروى تبكي
الاسم :مروى _العمر:12_الشخصية:طالبة في الصف السادس الابتدائية
مرام :اشبك يا مروى في شي؟ ماحليتي الواجب؟
مروى : لا حليتو بس يا ابلة انا امس في البيت واجهت مشاكل مع امي وابوية وزي ماتعرفي يا ابلة انا اخر العنقود عندهم والدلوعة بس المشكلة هي انوا امي وابوية اتشاكلوا ووصلت المشكلة للطلاق وانا واخواتي دحين مع امي عند جدتي وجدي و جدي وجدتي على قد حالهم واحنا متقلين عليهم في الاكل والشرب
مرام:طيب تعالي معايا عند مكتب ابلة عائشة وقولي لها القصة
امكن يكون عندها حل
مرام تروح هيا ومروى لمكتب ابلة عائشة
عائشة:كيفك مرام
مرام : بخير وانتي ابلة عيوش
عيوش :بخير
مرام : يا ابلة عيوش انا جبت معايا مروى طالبة في فصلي عندها
قصة قصيرة ابغلها حل منك بما انك مديرة المدرسة
عيوش : طيب
مروى قالت قصتها لي ابلة عيوش وابلة عيوش تأثرت
مرام: ها يا ابلة عيوش لقيتي حل
عيوش: مرام احنا لازم نساعدها وانا جاتني فكرة
مرام : ايش الفكرة
عيوش: حنجمع من كل الابلات فلوس ونعطيها لجدها وجدتها
مروى: شكرا يا ابلة
يرجعو مروى ومرام للفصل
وتكمل مرام الحصة
في البيت
مرام: كيفك عبد العزيز كيف الشغل معاك
عبد العزيز: الحمد الله بسيط ومريح وانتي كيف الدوام
مرام : الله يخليك لا تسئل مرة متعب
عبد العزيز: ليش ايش فيه ايش صار
مرام : دحين تعبانة لمن انام واصحى اقلك
عبد العزيز: ايوا اسمعي قبل ماتنامي ترا انا مسافر بكرة وراجع يوم الاثنين
ملاحظة
هذا اليوم يوم سبت
مرام :خلاص طيب تروح بالسلامة وترجع بالسلامة
مرام قامت من النوم ما لقت عبد العزيز و نسيت مرة انو عبد العزيز قال لها انو حا يسافر
اتصلت مرام مايرد
وبعد شوية افتكرت انو مسافر
اتصلت مرام على مها
مرام:الو...مها كيفك
مها : الحمد لله وانتي
مرام: بخير ......ايوة اسمعي ابغاكي تجي تباتي عندي وتونيسيني عشان عبد العزيز مسافر
مها :اوك
بعد شوية دق الجرس
مرام : غريبة مها تجي بدري
راحت مرام تفتح الباب .............فتحت الباب لقت رجال غريب ماتعرفه ولا يعرفها
مرام: خير
الرجال:انتي مرام
مرام :ايوه
الرجال اعطى مرام كيس
الرجال:هذا من واحد اسمه عبد العزيز
مرام تاخذ الكيس وتقفل الباب
تجلس مرام على الكرسي تطل على الكيس ماهي عارفة تفتحه ولا لا فكرت شوية وفتحته لقت فيه ظرف مكتوب في وجه الظرف من عبد العزيز الى زوجتي الحبيبة مرام
فتحت مرام الظرف لقت فيه ورقة مكتوب فيها
زوجتي الحبيبة انا عارف انك زعلانة اني سافرت وما ودعتك بس صدقيني حأعوضك بيوم غيره بسفره احلى وانا عارف انك زعلانه اني ما قلتلك فين مسافر بس انا دحين في الامارات لظروف العمل وصح مو انا قلت لك اني رايح بكرة رحت اليوم بعد العصر لآنهم مرة استعجلوني فامارضيت اقومك وانتي تعبانة
انتبهي لنفسك
زوجك الحبيب: عبد العزيز
مرام وهي في قلبها :يعني قلوب مالها داعي يعني تحسبني هبلة اصدق بسرعة انك تموت فيا
وبعد شوية دق الجرس
قامت مرام تفتح الباب ولقت انو مها وصلت
مها:كيفك
مرام:الحمد لله وانتي
مها: بخير
مها تجلس
مها : انا حابات عندك لين ما يجي عبد العزيز
مرام :طيب
بعد شوية مرام تنعس وتبغى تنام
مرام:ايوة مها انا بانام
مها:طيب انا بعد شوية حانام
مرام تطلع تنام
في الصباح
اليوم الثاني
المصيبة التانية
تقوم مرام من النوم وتتجهز للمدرسة ولمن جات بتنزل افتكرت انو عبد العزيز مسافر ومحد يقدر يوصلها طلعت مرام باحباط وجات تبغى تلبس البجامة الا مها تفتح الباب
مها: اشبك لا تلبسي البجامة خليكي بملابسك نسيتي اني معاكي واقدر اوصلك
مرام مبتسمة: والله انتي دايما تجي وقت الحاجة
مها: هه طيب بسرعة اخلص واجيكي
في المدرس
تدخل مرام الفصل وكالعادة تسلم على البنات والبنات يسلموا عليها
بعد شوية وهي تشرح الدرس دخلت ابلة عيوش الفصل وطلبت ابلة مرام .....طبعا عشين في مدرسة لازم اقول ابلة هه
المهم راحت ابلة مرام مع ابله عيوش وبعد شوية دخلت الفصل لقت البنات متجمعين
ابلة مرام : اشبكم
تدخل ابلة مرام وسط البنات تطل مرام تلاقي رولا قاعدة تبكي
الاسم: رولا_العمر:12_الشخصية :طالبة في صف السادس الابتدائية
ابلة مرام :اشبك يا رولا في شي
رولا : يا ابلة امس سار شي خلاني لا اذاكر ولا اكل ولا اشرب
مرام : ايش فيه
رولا:طبعا مر يوم عادي في الظهر الا في العصر جو امي وابوية وجمعونا انا واختي واخوية في الغرفة وقالوا لنا انهم مسافرين مصر وقالوا اننا حانروح لعمتي بس الفترة الي هما مو موجدين فيها وسار كل شي ورحنا عند عمتي ولعبنا واتسلينا عند عمتي وفي نص الليل تدخل عمتي علينا في الغرفة وهي خايفة وقالت انو امنا وابونا ماتوا في حادث
ملاحظة
العمة قالت بسرعة عشان لا تكسر في خاطرهم وقت ما يعرفوا متأخر فا يعرفوا من بدري احسن
رولا: اختي على طول انهمرت الدمعة من عينها
و اخوية مصدوم
وانا مني مستو عبة الوضع
وطبعا قعدنا سهرانين
وفي الصباح
طلبت من عمتي اغيب بس عمتي
ما رضيت وقالت انو امي حتزعل مني اذا غبت فلازم ارضيها واروح
وعمتي غصبتنا كلنا اننا نروح وقبل ما نروح جات عمتي وقالت انها حا تودينا (دار ايتام) لسبب انها ماتقدر تربينا فوق ماهي قاعدة تربي اطفال بمعنى تاني عمتي على قد حالها
مرام: وانتوا ريضيتوا انكم تروحوا دار ايتام
رولا: مادري انا عن قرار اخوية لانوا هو اكبر واحد فينا ان شاء الله اول ما ارجع البيت اعرف ايش حيسير وبكرة اقلك
مرام:الله يرحم امك وابوك وعظم الله اجرك عليهم
يدق الجرس وتروح ابلة مرام لغرفة المعلمات وهي حزنانه على الي سار لان هي قابلت مرة ام رولا وحبتها من قلبها تلاحظ ابلة هند الحزن في ابلة مرام
ابلة هند:مرام ايش ساير اشبك اليوم عابسة سار شي في البيت
ابلة مرام:لا ياهند مو في البيت هنا
ابلة هند:باستغراب بس ما سار شي هنا
ابلة مرام :تعرفي رولا الي في فصلي
ابلة هند: طبعا رولا معروفة ومحبوبة لكل الابلات
ابلة مرام :سارت لها مصيبة امس
ابلة هند: مرام ترا خفت قولي بسرعة
ابلة مرام تحكي القصة كلها لهند
ملاحظة
هند عندهم معرووفة بأنها تتاثر بسرعة
ابلة هند ما اتحملت الصدمة وسارت تبكي بصوتها
جات ابلة دنيا لمن سمعت صوت هند
ابلة دنيا شافت مرام حزنانة وهند تبكي
دنيا :مرام ايش في ايشبكم انتي وهند
مرام تحكي دنيا القصة
دنيا تخرج من الغرفة زعلانة على الي سار في البنت المحبوبة عندهم
تروح ابلة دنيا لمكتب ابلة عيوش
ابلة دنيا:عيوش ممكن ادخل
ابلة عيوش :اتفضلي
ابلة دنيا جلست وحكت عيوش عن قصة رولا
عيوش تأثرت مرة لدرجة انها مالقت حل لرولا
رجعت مرام للبيت وهي تحت تأثير الصدمة
في البيت
مها :كيفك مرام كيف المدرسة معاكي كيف ابلة دنيا كيف ابلة عيوش كيف الدوام
مرام طنشتها وطلعت للغرفة وقالت ما ابا اتغدى ولا اتعشى سوي اكل على قدك
مها : مصدومة لأول مرة مرام تجي زعلانة من الدوام
لآن عادتها تجي فرحانة ومبسوطة حتى ايام المدرسة
مرام تدخل غرفتها والدمعة في عيونها ومرة زعلانة قامت راحت لسريرها ونامت شوية وصحيت على الساعة 4:00
مرام :مها مها
مها: نعم اشبك
مرام: حلمت حلم غريب
مها تسحب مرام على الكنبة وتسالها
مها : ايش الحلم
مرام:حلمت اني يتيمه وضايعة في صحراء لوحدي
ومني عارفه ايش اسوي لدرجة اني قاعدة في مكاني وشوية الاقي نور وانتي في وسط هذا النور وجيت ابا اروحلك مني قادرة اتحرك وانتي كل شوية تبعدي اكثر لدرجة اني سرت ابكي واناديكي
مها : مرام تدري ايش معنى الحلم ده
مرام:لا
مها: يعني مالك غير اختك
وبعد شوية مرام تحضن مها بقوة
مرام وهي حاضنة مها :مها لا تروحي خليكي جنبي
مها استغربت من حركات مرام دا اليوم
على الساعة7:00
مرام :مها يلا تصبحي على خير انا ابا انام ورايا مدرسة
مها: وانتي من اهل الخير
اليوم الثالث
المصيبة الثالثة
قامت مرام وراحت غرفة مها وصحتها قامت مها واتجهزت
مرام: مها بسرعة هذا كلوا لبس
مها: اصبري دحين اخلص
وصلت مها مرام
في المدرسة
تدخل مرام الفصل
طبعا سلمت على البنات
ومرام لاحظت وحدة من البنات نايمة
وقربت شوية ولقت انو هاذي البنت هي
رنيم
مرام:رنيم قومي اشبك نايمة
رنيم:ه ه ابلة انا اسفة نعست شوية
ابلة مرام : ايش ما نمتي بدري
رنيم:لا يا ابلة بس
ابلة مرام: بس ايش
رنيم: يا ابلة انتي عارفة انو امي ماتت وابوية متزوج وحدة تانية صح
ابلة مرام:ايوة ليش
رنيم :يا ابلة زوجة بابا قومتني نص الليل عشان انظف الحمامات وبعد ما خلصت تنظيف الحمامات ورحت ابا انام فتحت عليا الباب بقوة وفتحت كل انوار الغرفة وجات قومتني وقالت في اواني في المطبخ روحي غسليها قلتلها في شغالة عندنا قالت انا ابا اريح الشغالة كدة حرام خلي الشغالة تنام بس انتي حرام عليكي النوم
سكتت وماعرفت ايش اقول ورحت نظفت الصحون لين اذان الفجر ما نمت وجيت المدرسة سهرانة
مرام:طيب قولي لابوكي امكن ايلاقي حل
وشوية تجي رولا
رولا :ابلة ابلة سألت اخوية عن الوضع قال ما عنده حل الا دار الايتام
مرام:رولا ما نتي شايفة انك قاطعة الحديث
رولا:اوه اسفة
مرام :ها يا رنيم حا تكلمي ابوك
رنيم:بس يا ابلة ابوية ما اشوفه دايما في العمل وما يجي الا اخر الليل
وتكمل مرام الحصص
دق الجرس ورجعت مرام للبيت
في البيت
تفتح مرام الباب وتلاقي عبد العزيز في وجها تفرح مرام وتحضن عبد العزيز
عبد العزيز: وحشتيني
مرام: وانت كمان
مرام :ايوا صح ما شفت مها ؟
عبد العزيز : الا هي شافتني جيت قامت راحت
عاد تكمل مرام فرحتها بعبد العزيز
مرام وهي قاعدة مع عبد العزيز يدق جرس البيت
راحت مرام فتحت الباب واتفاجئت انو الي واقف عند الباب كان
فتحت مرام الباب وتفاجئت انو الي واقف قدام الباب كان
( مروى)
مرام : مروى انتي ايش جابك هنا وكيف عرفتي بيتي
عبد العزيز:مراااام مين على الباب
مرام: دحين جية شوية بس
مروى:ابلة مرام الله يخليك خليني اعيش عندك
مرام:؟؟؟؟؟؟؟؟؟؟؟؟؟؟؟؟؟؟؟؟ ؟؟؟ طيب تعالي ادخلي
تدخل مرام ومروى البيت
يتفاجئ عبد العزيز بأن مرام دخلت ومعاها بنت صغيرة
يأخذ عبد العزيز مرام على جنب
عبد العزيز:مرام مين دي
مرام: بعدين احكيك قصتها هي طالبة في فصلىي وتبغى (تسكن) عندي
عبد العزيز:اييييييييييييييييي يييييش
في الليل
مروى :يا أبلة انا نعست مالية سرير
مرام : لا جهزت لك السرير
مرام: يلا تصبحي على خير انا با أنام
مروى:وانا كمان وانتي من اهلة الخير
تطلع مرام لغرفتها وتقفل النور وتنام بعد شوية انفتح بابا غرفتها وتلاقي مروى واقفة عند الباب
تقوم مرام مصدومة
مرام:مروى اشبك في شي
مروى :ما ارتحت في السرير ابغى انام جنبك
مرام : ايش تنامي جنبي
مروى قامت فوقها هيا وعبد العزيز واتغطت بالشرشف عبد العزيز حس بحركة جنبه
قام
عبد العزيز:مراااااام مراااااام
مرام :اشبك
عبد العزيز:شوفي
مرام: اه مروى ما ارتاحت في سريرها وجات جنبي
عبد العزيز: وانا دحين فين انام
مرام:عادي نام
عبد العزيز :لاحول ولا قوة الا بالله
مرام:ههههه
في الصباح
اليوم الرابع
المصيبة الرابعة
طبعا زي كل يوم بس اليوم فيه شوية تغيير قامت مراام
وقومت مروى للمدرسة
لبسوا ملابسهم
مرام:يلا عبد العزيز قوم المدرسة
عبد العزيز :اووووف موال كل يوم
مروى ومرام:ههههه
مروى :ياابلة انا مدري ليش حاسة اني متقلة عليكم
مرام:لا حبيبتي اصلا انا وعبد العزيز ساكنين لوحدنا وما عندنا بزورة
في المدرسة
دخلت ابلة مرام ومروى الفصل
جلست مروى وبدأت ابلة مرام تشرح
دق جرس الفسحة
وراحت ابلة مرام مع بناتها الفسحة
وبعد شوية مروى:ابلة مراااااام تغريد تبكي
راحت ابلة مرام عند تغريد ولقت البنات متجمعين
ابلة مرام:تغريد ايش فيكي
تغريد تجري عند ابلة مرام
الاسم: تغريد_العمر:12_الشخصية:طالبة في نفس الصف
تغريد:يا أبلة انا كلمت ابلة هند عن الانجليزي قالت اني حأرسب فيه
مرام :ايش
تغريد :الله يخليكي يا ابلة قولي لها تنجحني
مرام :خلاص طيب
راحت مرام عند هند
مرام:هند حرام عليكي ترسب تغريد في الانجليزي
هند: انا مو عن كسلانة انا عن شقاوة
راحت مرام عند تغريد
مرام:تغريد ابلة هند حاترسبك على شقاوتك مو على انك كسلانة او ممتازة
تغريد:خلاص طيب راح اسير مؤدبة
رجعت مرام للبيت هي ومروى وهم تعبانين
مروى قررت تنام شوية
عبد العزيز:كيفك مرام كيف الدوام معاكي
مرام :الحمد الله
جلست مرام شوية
مرام:عبد العزيز خلاص انا ابا اروح انام
عبد العزيز:اشبك دي الايام تراك متغيرة بالعادة تجي تفطري معايا
مرام:مدري اشبي تعبت
الساعة 4:30 تقوم مروى من النوم
مروى:ابلة احلى نومة نمتها في حياتي
مرام:يعني السرير ريحك
مروى: ايوة
عبد العزيز:مرام تبغي قهوة ولا شاهي
مرام:لا قهوة
مروى:ابلة كنت اتوقعك تحبي الشاهي
مرام:احبه بس القهوة اكثر
عبد العزيز:بس طبعا حبك ليا اكثر من القهوة
مرام:ههههههههههههه
مروى:رومانسيين ههههههههههه
وفجأة يدق الباب
مرام:مروى حبيبتي ممكن تفتحي الباب
مروى:طيب
تروح مروى تفتح الباب
وتلاقي مها واقفة عند الباب
مها:مين انتي
مروى تروح تجري عند مرام
مروى:ابلة في وحدة واقفة عند الباب
مرام:ميين
مها تدخل
مها:مفاجئة
مرام تبتسم
مرام:كيفك ليش رحتي بسرعة لمن جا عبد العزيز
مها:الحمد الله انا رحت عيشان لا اعكر عليكي انتي وعبد العزيز
مرام:ههه طول عمرك خدومة
مها:ههه
مرام:ايوة صح اكيد استغربت من مروى
مها :ايوة مين تكون
مرام:هذا طالبة في فصلي قصتها قصة فجات عندي تعيش
مها:اييييييييش تعيش
مرام:هه حتى عبد العزيز استغرب
مها:انتي من جدك
مرام:عادي اصلا انا وعبد العزيز دايما في وجه بعض خلينا نشوف وجه جديد
مها:هه والله انك فاضية فضاوة
مروى :عمي عبد العزيز انت قد ايش تحب ابلة مرام
عبد العزيز:يووووووووووو اكثر من كبر السماء
مرام :لااااا يا الله على الكذب ينقط منك بصراحة
عبد العزيز:مها شوفي اختك ايش تقول ما تصدق حبي ليها
الجميع:ههههههههههههههههه