موضوع مميز بصراحة ..
وفكرته حلوة ..
التكنولوجيا متل ماانقال سلاح ذو حدين
فيها الجانب الجيد وفيها السيء ..
بس المشكلة الي ما بيستخدمها إلا للسيء ..
والمشكلة التانية الهوس فيها ..
لدرجة بتشغل الناس عن الصلاة والعبادة
وهالشي من وجهة نظري من أكبر المسآوئ ..
غير انه ممكن تعرض وتوصلنا لشغلات
منافية للدين .. وكمان هاد جانب سيء كتير ..
بس كمان المميزات رهيبة ..
التواصل الاجتماعي بأسهل الطرق ..
الحصول على المعلومة الي بدنا اياها في وقت قصير ..
معرفة أشياء كتيرة وكويسة وما كنا نعرفها من قبل ..
بس أهم شي ما تكون هاجس عند المستخدم ..
عن نفسي ما بستغني عن الانترنت مثلاً ..
وخاصة اليوتيوب .. لازم افتحه يومياً
وممكن انسى نفسي عليه لانه فيديو بيفتح
فيديوهات تانية ..
موقع الفيسبوك ما الي حساب عليه
لاني ما بحبه .. هيك من الله ..
مع انه في اشياء مفيدة
بس خلقة الموقع وطريقته مابحبها ..<< عصّبت خخخ
التويتر مع انه الي حساب
بس كمان مو متابعة اله كتير ..
عموماً مابعد نفسي مهووسة بهالجانب من التقنية ..
والكمبيوتر تبعي مكتبي مو لابتوب ..
بعرف حتقولوا من سنة ألفين
وخشبة هالانسانه .. بس والله راحتي بالمكتبي ..
بس شاشته خفيفة كتير يعني وقت مابدي استخدمه وانا مرتاحة
بحملها معي بالمكان الي بدي اياه بس الهارد
ديسك بيضل مكانه .. وعاملة حساب الأسلاك طوييييييلة ..
هههههه يعني في نطاق غرفتي ..
كمان ما عندي هوس بالجوالات .. جوالي نوكيا E63
يعني مو جديد طلع بعده مليون نوع
واشهرها البلاك بيري والآيفون والجالكسي ..
بس آخر شي ممكن أفكر فيه تغيير الجوال ..
لاني ممكن استغني عنه تماماً .. يعني
كتير أوقات بحطه بمكان وبنساه وبقعد
أدور عليه نص يوم هههههه
ودايماً على وضع الصآمت خخخخخ
وحتى الكلام فيه وين ووين ..
أكره شي عندي الحكي بالتلفون ههههه ..
فالحمدلله مش مهووسة بالتقنية ..
ومع هيك حتى لو انهوس فيها الواحد
أهم شي يستخدمها استخدام صح بعيد عن
المعاصي قد ما يقدر .. لانه بوقتنا الحاضر
شريحة الشباب الي يمكن أكتر شريحة مؤثرة بالمجتمع
كل واحد اله خصوصيته ومافي رقابة
فالانسان رقيبه بيكون الله لانه مع نفسه ..
ولازم الواحد يفكر مليون مرة
قبل لا يستخدمها بالمعاصي ..
أو أذية النآس ..
ويعطيكم ألف عافية ..