سعــــاد
بعد كلامك ما اعتقد اني رح احضر الفلم ابدا
اول شي انا كتير بحقد على اي فلم فيه مشاهد مخلة بالادب
ومرات بكره فلم كامل من ورا مشهد صغير
حتى فلم عامر راجا هندستاني مش كتير بروقلي بسبب القبلة الطويلة تاعتهم
على قولتك الحب الي كانت تجسده افلام زمان طاهر ويورجونا الصورة الحقيقة إله
لانه فعليا الحب بعيد كل البعد عن التصرفات هاي
هاد هو السبب الي بخليني ما احضر افلام عمران هاشمي
والله نيالك انه صحلك تحضري عاشقي 1
ما سبق ودورت عليه بس متاكدة ما رح الاقيه مترجم
في افلام مشهورة ومانها مترجمة..كيف هاد اكيد مش مترجم
بصراحة الخلاصة من كل هاد
ان الافلام الجديدة كلها ما بتعجبني
مختلفة تماما عن القديمة
بحاولوا يتخلصوا من كل الاجواء الي كانت بالافلام القديمة ويستبدلوها بأطباع غربية
من 2005 تقريبا انحدرت الافلام بشكل مش طبيعي
وبطلت تنحضر..لما بفكر احضر فلم جديد وبسمع بالصدفة اغنية بفلم قديم بصير اضحك ع حالي
بكفي اصوات العظماء اختفت من الافلام الهندية
هاي كارثة لوحدها