Tum Bin
بــدونك
هاد الفلم انا بعرفه من زمان وبمع كتير عنه ومرة حضرت كل اغانيه وحضرت شوي من بدايته مش مترجم
وما تحملت حكيت لازم احضره مترجم لحد ما مستر راجاا الله يسعده وفرلي اياه
الفلم كتير مشهور وسمعت ان كتيير معجبين بيعيدوا هالفلم اكتر من مرة
السبب بيرجع للقصة المميزة واداء بريانشو الخرافي
اول شي بدي احكي عن الاغاني
اغني كوي فريــاد ماااااا اروعها من كلمات من صووت من لحن
بتطربك عالاخير بتدخل بالاجواء وبتغرق فيها ما بقدر اوصفلكم اكتر من هيك لازم تسمعوها
اغنية شوتي شوتي راتي برضو حلوة كتير ولحنها مميز وكليبها حلو
اغنية توم بين الي حبيته فيها ان صوت المغنية نفس صوت الممثلة نفس النعومة
وطبعا كلماتها هي سر الفلم
[BIMG]http://media.glamsham.com/download/wallpaper/celebrities/images/p/priyanshu_chatterjee01_10x7.jpg[/BIMG]
خلينا نحكي عن هاد الكائن
برانشو ممثل رائع بتحس مشاعره وصلتك ودخلت جوواك
في شي بعيونه بشع حب ومودة وحزن مرات وحيوية وتفاؤل مرات
عيونه بتحكي عنه..نظرة منه بتخليك تفهم كل شي
قريب للقلب لدرجة ان بتحس حالك بتعرفه
صوته حلووو وطريقة حكيه المميزة ما عمري شفت متلها عنجد
اه كمان بدي اقول ان بأغنية كوي فرياد..النظرات الي كانت بين البطلين كتيييييير واقعية
يعني فعلا هالشي بصير بالواقع مش خيالي..
ما بعرف ليش ما انشهر اكتر بس بشكل عام معظم الممثلين الي ظهرو مع بداية الالفية
انظظلمووووووا جدا
بتزكر اني حقدت عليه شوي بفلم كوي ميرا دل مي هي
لانه كان ضد راكيش الامور
وكنت حابة يكون دور راكيش بنفس مستوى دوره لبريانشو
و لو تشوفوه بفلم دل كا ريشتا تفوق على ارجون رامبال بمراحل
شايفين هاد الحليوة الي بالنص
هو راكيش.هاد على ما اعتقد كان اول دور إله طبعا دور صغير كتير
وبتتمحور حوليه قصة الفلم كلها..اكتر شيي مميز براكيش غير ضحكته يعني
انه حركاته عفوية.غير استعراضية
بــكل افلامه تحسه انسان عادي وعم يرقص مش عم يستعرض..كتير بحبه من هالناحية <<وكل النواحي
الممثلة الي شايفينها
برأيي كانت مملة بالفلم فبعض المشاهد
اولا باغنية شوتي شوتي راتي تقول حاطين سلسلة وزنها 8 كيلو ع رقبتها
متشجنة تماما و حركاتها بطيئة وهالشي انا بكرهه
بتوقعش ان دور غير هاد ممكن يزبط عليها ابدا
يني يادوب هاد الدور كونها بزنس ومن زبط عليها
معإنها حلوة بس الحلاوة مش كفاية