واحنا اسعد حبيبتي ...
فعلا الخزام موضوع رائع...
اخترتي موضوع بالصميم ..
و اظن مع تدهور اخلاق الناس...
صار الغلط على الغير و جرحه موضوع سهل و منتشر .....
قبل ما احكي عن الجانب الشخصي للموضوع ..
رح احكي عن الجانب الديني
قال تعالى: "والكاظمين الغيظ والعافين عن الناس والله يحب المحسنين" سورة ال عمران .
من الشواهد من القران رح نتيقن انو
ديننا دين تسامح ... و دين يرتكز على الاخلاق والتعامل قبل ما يكون على العبادات ...
وديننا بيدعونا انو نصفي قلوبنا تجاه كل انسان و ما يكون بقلبنا مثقال ذرة من حقد او كراهية ....
اما من السنة:
فمواقف الرسول عليه السلام بالتسامح والعفو لا تعد ولا تحصى
و عندما نذكر التسامح في حياة الرسول،لا اراديا سنذكر قصة فتح مكة ...
عندما عفى عن اهل مكة بقوله: اذهبوا فأنتم الطلقاء.
لانو التسامح بيسعد و بيريح الشخص اللي بسامح قبل الشخص اللي مطلوب منا نسامحه ...
اما وجهة نظري الشخصية:
انا الحمدلله من النوع اللي بتسامح، و بسامح كتير و بلا حدود.. لانو طبيعة البني ادم خطاء ،
و الانسان بيصفح عن الناس حتى الله يصفح عنه و يسامحه ...
يعني مهما كنت مزعوجة لو الشخص اعتذر لي اعتذار صادق على طول برضى و بنسى كل المشاعر السيئة
اللي كانت متملكيتني بسببه..
بس في فروق بسيطة بين منزلة الشخص اللي بدي اسامحه: يعني لو اخ اكيد مؤهل لأسامحه بلا حدود و بدون تفكير ...
و من بعدها الصديق ايضا بسامحه لو اعتذر واعترف بخطأه ...
اما الحبيب بحس انو رح اكن اقل تسامح لانو الجرح رح يكون اكبر واقسى ...
لانو بحس انو لو تكررت و كثرت الاخطاء و الاعتذارات... الاعتذار رح يفقد قيمته...
و رح تقل شوي شوي ثقتي فيه .. و رح يزيد حرصي و حذري منه...
يعني رح تروح الراحة النفسية والامان و تتبدل بالتوتر و عدم الرحة...
و بالاخير... الحياة بتصير فيها كتير مواقف... ممكن تكشف شخصيات الناس و تصدمنا فيهم ...
بس بالنهاية يبقى التسامح هو الحل للعيش براحة نفسية ...
و مادام الله بسامح..
فليش احنا البشر ما نسامح؟؟
بس لحظة خزامى ..
موضوعك قادني لموضوع تاني اكبر واوسع..
في حدا بيعترف بغلطه و بيعتذر هالايام ...
!!!!!
عنجد بنكون محظوظين لو زاد عدد الناس اللي بيقولوا انا غلطت !!!
وانا بعتذر...
حبيبتي الخزام ...
الله لا يحرمنا من مواضيعك الحلوة والهادفة
سعيدة كتير بالحوار معكم صبايا ^^