اسفة عالتأخير صبايا ...
فعلا هاي الظاهرة كتير بتستفزني و كتير واضحة بالمجتمع وهي من وجهة نظري
بسميها ظاهرة "الفشخرة" يعني استعراض كل شخص لما عنده .. زي ما قلتي ..
كون الانسان غني .. اكيد ما بقول انو مش من حقه انو يتنعم بمصاريه .
بس كمان يصرفها بالشي المفيد .. مش على كماليات بل اكتر من كماليات ؛
امور ما الها داعي .. في وقت انو هالمصاري اللي بدفعها على رقم هاتف او سيارة
مميزة ,, ممكن تكون كافية لإطعام عيلة فقيرة ...انا بصراحة ما بشوفها حرية
شخصية .. انا بشوفها تبذير .. اصلا من ورا هالانانية اللي بتتملك اصحاب
المال"الاغنياء" صار في عنا بالدنيا مجاعات وفقر وجوع ..
وبالمثال يتضح المقال : كتير في بلاد محتاجة وأولهم افريقيا ..
اللي من وقت ما خلقنا واحنا بنعرف انو بتعاني من الجوع ونقص بكل مستلزمات
الحياة .. و مع هيك ما بنتبرع الا كل ما يصير في عندن مجاعة حااادة ...
و موت نص الشعب من الجوع والامراض ..
يعني بإمكاننا لو تبرعنا بشكل دوري انو نحل المشكلة بدل من انو نطعم افواه لا
تلبث ان تجوع بعد فترة ..
وأنا خصصت بقولي "اغنياء" ردا على اجابة اختي عاشقة انيل اللي قالت ممكن فقير
يقتني اشياء غالية وبالعكس .. - ما اظن انو هالظاهرة منتشرة بين الفقراء او ميسوري الحال او لأكون منصفة رح احكي منتشرة بشكل بسيط -..
لانوا اكيد في إلهم اولويات يصرفوا فلوسهم عليها ..زي الاكل والشرب والكسوة الخ ..
بإختصار .. نظرة سريعة خاطفة للوراء- بس للاسف خانتني ذاكرتني ومش متذكرة بزمن اي صحابي -
في زمنه صار في اكتفاء لدرجة انو بطل في حدا محتاج يقبل الصدقة ..
و نظرة على حياتنا الحالية ..
اللي منتشرة فيها الانانية وحب المال و تفكير كل شخص بنفسه ..
رح نعرف انو صار اهتمام الناس منصب على سفاسف الامور و اكثرها سطحية ..
يعني زي ما قالت الخزام ..
الهاتف يبقى هاتف وظيفته الحديث من خلاله سواء كان رقمه عادي او مميز ..
وللاسف .. كل ما زاد اهتمام الناس بهالامور ,,
زاد الفقر والجوع والانانية و حب الذات بالعالم ..
ان شاء الله يكون ردي خفيف ومنطقي لالكم ..
استمتعت بالنقاش معكم ...
و اي سؤال انا حاضرة .. ^^