أمانةَ بعد الصدفية صرت اهتم ببشرتي أكثر
يعني حسيت انها جاتني بسبب اهمالي لها
.gif "(17)")
فهذه الاشياء الي اسويها دحين عشان احافظ على بشرتي
أول شي المستحضرات الي مكتوب عليها لتوحيد اللون ومدري ايه حاولي تبعدي عنها قدر الامكان
حابين توحدو لون بشرتكم استخدمو خلطات طبيعية افضل
وافضل شي لتوحيد اللون وترطيب وكلو زبدة الشيا الخام
ثاني شي افضل كريم جربتو واستخدمتو نيفيا
وانصحكم تستخدمونو الفازلين كويس ولكن ان احس انو يعطي مظهر مزيت للبشرة
ولكن النيفيا كترطيب ومظهر وريحة جدا كويس
ثالث شي افضل وقت لترطيب يكون قبل النوم
وبعد الاستحمام
رابع شي واقي من اشعة الشمس وغسول الوجه
وانا افضل انك تروحي لدكتور يوصف هذه الاشياء لك
خصوصا الواقي اما غسول الوجه انا كنت استخدم غسول نيتروجينا
للبشرة الدهنية وما واجهتني مشاكل معاه ولكن صرت افضل احط ماسكات وبعدت عن الغسول
خامس شي الماسكات الطبيعية الي تسوينها في البيت
افضل بكثير من الي تنباع وبنات كثير اعرفهم وجهم حبب مرة بسببها
فرجعو للخلطات الطبيعية واكثر خلطة انا احبها ودايما اسويها
حقت الخيار المقادير : واحد لبن زبادي - خيارة - 3 او 4 ملاعق عسل كبيرة
انا مرة حبيتها وحبيت نتايجها
وسادس شي كثرت المكياج يعدم الوجه
لذلك استخدمي برايمر - البرايمر كريم ينحط قبل لا تتمكيجي
وافضل برايمر استخدمتو من ميبلين ب 75 ريال
اذا ما عندك تقدري تستبدليه بالنيفيا او الفازلين بس بكميات قليلة
عشان لا يصير وجهك زي زوجة شارو
...........
اما الشفايف انا استخدم لها شيئين لترطيبها
أولا مقشر الشفايف من ذا بودي شوب جدا جيد
ثانيا مرطب eos
احطو قبل ما احط الروج عشان لا يطلع شكل شفايفي جاف