[table1="width:100%;background-image:url('http://im22.gulfup.com/2012-03-14/1331687865971.png');"][cell="filter:;"][align=center]
















بسم الله الرحمن الرحيم ..

السلام عليكم ورحمة الله وبركاته ..

أسامة رجع لكم بدرس خفيف لطيف ظريف

ماهو صعب ولا حاءة ..

اليوم الدرس هو كيف تسووا خلفية حلوة لمواضيعكم .. زي خلفية الموضوع هذا ..

فيها شخصيات ووجوه عالأطراف والوسط ..

بس أبغى منكم شوييييييييية تركيز ..

والنتائج إن شاء الله مبهرة ..

نبدأ باسم الله .. طبعا الشكل النهائي هو خلفية هذا الموضوع ..

أول شي نفتح الفوتوشوب بعمل جديد ..



ونملا الخلفية بلون رمادي غامق بالسطل ..

بعدين CTRL + SHIFT + N ونعمل طبقة جديدة

نلونها باللون البيج



ونخلي مود الطبقة البيج بهذي الإعدادات



تراكب بالإنجلش Screen

الآن نضغط CTRL + O ونفتح الصورة اللي نبغى نحطها في الخلفية

هذي الصورة مثلا



فتحنا الصورة نضيف طبقة عالصورة CTRL + SHIFT + N

نضغط B نختار فرشاة من عندنا .. غيوم قلوب فراشات بُقع بوية أيًا كانت الفرشاة

ونعمل كدة ..



يا نهار إثود !! كات فين يا ردّاااااااالة ؟

الآن الحركة السحرية .. نختار طبقة كات >> الطبقة اللي تحت

ونضغط CTRL ونأشر على المربع حق الطبقة اللي فوقها ..

المربع بس مو المستطيل حق الطبقة كلها ..

نلاحظ إن جزئية الفرشاة بس تحددت .. نضغط CTRL + J

تظهر طبقة بين الطبقتين نخفي العيون عن طبقة الفرشة وعن طبقة كات اللي تحت

ينتج لنا الشكل هذا



ممكن تحطوا كتابات وظل وتحفظوا العمل بصيغة png ويصير توقيع مفرّغ ..

بس ماهو موضوعنا >> دخل الخلفية بالتواقيع المفرغة ..

سبحان الله .. فجأة صاروا موضوعين في موضوع !!!

نرجع للموضوع

الآن نحدد عالطبقة الناتجة هذي ونضغط CTRL مع الضغط على المربع الصغير

تبع الطبقة نفسها .. نلقاها تحددت ..

نضغط CTRL + C ونرجع لشغلنا الأول حق الخلفية >> لا تكونوا نسيتوه يحترق

نضغط CTRL + V ونحرك الطبقة للمكان اللي نبغاه بالزر V

أو نتلاعب بالحجم CTRL + T .. آخر شي نخلي المود على

ضوء خافت أو Soft Light وبكيفكم تخلوه على 30 أو 40 أو زي ما يعجبكم



وزي ما جبنا كات الأولى نجيب كات تانية وتالتة ونوزعها فوق وتحت وشمال ويمين

ونحفظ الخلفية ونرفعها لمركز تحميل .. وصلى الله وبارك

شفتوا كيف الدرس سهل وبسيط ؟

أمر آخر .. الحركة تنفع في التواقيع كمان ..

انتهى الموضوع .. أتمنى لكم الفائدة .. أنتظر إبداعاتكم ..

Never Say Never

فُرش البوية تحت .. ومعاها مجموعة تانية كمان أو استعملوا أي فرشة من عندكم

[hide]http://www.gulfup.com/X1b4370f49a1[/hide]

[hide]http://www.gulfup.com/X1b6ogsutbev[/hide]

[/align][/cell][/table1]