[فارس الورد]

..

.

لحظه بالله من جد ماني مصدق

وش هالفلم الخاقوقي

وربي انه من اطلق الافلام الي شفتها يستهبلون ذولي ولا من جدهم

الفلم توب توب توب تتعب تقول توب توب للبتله توب للدفنه خيالي يعني خيالي

قصة الفلم مو دمار الا دمار ونص

اما سلمان بالفلم شي ثاني اعطيه تريليون من 5

واجاي من جد خلى الفلم قمه يعني عطى الفلم نكهه خاصه اعطيه 5 من 5

اما اسين صحيح انها ماتغير احداث الفلم بس هم هي كانت روعه 5من 5

انا بمشي بوزع خمسات على الامه الهنديه كلها الفلم صراحه دمرني

والعيال الاثنين من جد قويين بعطي ابو كوشه 4من 5

وبعطي الثاني 1 من 5 لاني من جد ودي اتوطى فيه

بس ان كانه قهرني ونرفزني له الدرجه اكيد يستاهل 4 من 5 مثل اخوه

اجاي من جد حقير في الفلم ههههههه اعذروني عالكلمه

وسلمان وحليله طيوب وعلى نياته مغير يقاحم فالمخدرات هههه وحليله

والله لافلم من جد صدمه في العلاقات والوصوليه والرغبه في المجد

والاخوة والحب فلم اسطوري صراحه

والاغنيه الاجمل هي تيا تيا الي عند برج ايفل

ولندن دريم هم حلوه واغنية اجاي الاولى بعد شي

وفكرة ان سلمان يدخل باغنية بنجابيه وكيف غير اللحن والدقه وكذا في اول حفله

يوم دخل عشان ينقذ الحفله فكره مجنونه والله وفيها احترام لعقلية المشاهد

لان سلمان ماكان مستعد انه يغني نفس الطريقة الي كان عليها اجاي

يعني فلم توب والله لو تخلوني كان احكي فيه الين بكره

بس بطلع الحين عشان الهذره الزايده

..

منوش اخويانا كثير من حبايب سالو ماشافوا الفلم للحين تو نزلوه اليوم

بالمنتدى

اصبري لين بكره عالاقل عشان يقولون رايهم

يعطيك العافيه عالموضوع .. والله باقي احس فيني سوالف عن الفلم

وش رايكم اعيد كل الي كتبته من جديد << برااااا ههه