ترا الموضوع الي فتحتوه كتير بهمنــي
نفسي اعرف يعني ليش الخانات واكشاي بصحلهم يشتغلو مع بنات قد بناتهم
ويصيرو ممثلات التسعينات ملهمش لازمة
انا بالنسبة الي بشوف انه بنفع للخانات يمثلو افلام رومانسية لان برأيي اعمارهم مش مبينة عأشكالهم مع هيك انا بفضل ما يكون فلم رومانسي بحت ..بحب يكون عائلي شوي درامي مضحك شوي وهيك او حتى قصة مختلفة متل 3 اديوتس وغيره
لكن مثلا تركيبة شارو و دبيكا مش زابطة.واضح فرق العمر بينهم
اما بقية الخانات و اكشاي لا بأس لسا مبينين صغار
يمكن سلو مرات ببعض المشاهد بتبين تجاعيد عينيه كتيير
بس بدي افهم..كيف بنحكم ان جوهي ومادهور "مثال" بطل ينفع انهم يمثلو افلام
بينما الابطال الي كانو معهم بأفلام التسعينات لسا بمثلو
ايش يعني؟؟مدة صلاحية الرجال اكتر من النساء!!!؟؟
يعني لو رجعو يمثلو مع جوهي وكاريشما رافينا و مادهوري و سونالي
بيكونو كتير متناسبين
اصلا نساء بوليوود امثال الي كتبتهم فوق مو مبين عليهم العمر
اشكالهم بتوحي انهم بــعز شبابهم
يا اخي طب بلاش عالاقل راني وديا وبريتي..؟؟ ولا شو كمان هدول دخلو التلاتينيات وانتهت مدة صلاحيتهم؟؟!!
طب ديا ميرزا مثلا؟!!!!
حتى كارينا وكاجول قلت عروض الافلام لإلهم
وعم يتجهو لممثلات حرااام ينحكى عنهم ممثلات متل كات و دبيكا !!!
تخيلو فيلم جديد بين جوهي وعامر او كاريشما و سلو او مادهوري وشارو
والله رح يطلعوا احلى من كل الافلام الحالية
والله ان الكيمستري بين ابطال زمان ما تكررت وهي الافضل ولا تقارن ابدا بالممثلين الحالية و لا بالممثلين القديمين ولكن مع ثنائيات جديدة.!!
^^ انا جد جد حزينة للوضع المزري الي بتمـر فيه بوليوود حاليا
آآسماان
الفلم الي عم تحكي عنه ما صارلو اسبوعين طالع
يعني لسا ما نزل عالنت وولا حد شافه
حتى يمكن انه فشل او تصنف متوسط لسا ما بعرف
ميوووش
واضح ان الفلم بنحضرش..والقصص الي ذكرتيها مقرفة
انا كنت مصنفة فلم شوري شوري شبكي شبكي كأقذر فلم عرفه تاريخ بوليوود
ولكن هاد شكله اسوأ
صح انتي متفاجأة من قبول راني للفلم بس خليني اقلك
انو لازم نصارح انفسنا ان هالممثلين بالنهاية مش مسلمين واحنا بنكون نفككر انهم شخصيات مثالية
بس بالحقيقة هم بيحملو افكار ما بتناسبنا ومستعدين يطبقوها ويورجوها للعالم وما يحسو بأي خطأ
تفاعلكم بجنن بالموضوع