[القدس عربية]

يعطيك العافية ..
حبيت انه الموضوع مخصص للرياضات التانية ومافيه كرة قدم
لانها لو ذكرت كرة القدم راح تغطي على باقي الرياضآت ..
عن نفسي متابعة لكرة القدم وكرة المضرب
الي هي التنس الأرضي ..
كتير بحب هالرياضة وبستمتع كتير بمشاهدة مباريااتها ..
عموماً يوجد فيها أربع بطولات كبيرة ومشهورة
خلال السنة الواحدة ..
ولو فاز فيها اللاعب بتنضاف نقاط كبيرة اله
ولو خسر فيها وكان حامل للقبها بالسنة الي قبلها بيخسر
نفس عدد النقاط الي كسبها ..
ملاعبها تلاتة أنواع .. بحسب نوع الأرضية الي بيتم
لعب المباريات عليها
أرضية صلبة - أرضية عشبية _ أرضية رملية ..
البطولات السنوية الأربعة الي ذكرتها تسمى جميعا بطولات الجراند سلام : وهي
- بطولة أستراليا المفتوحة للتنس على الاراضي الاسترالية (الأرضية صلبة)
- بطولة رولاند غاروس على الأراضي الفرنسة (الأرضية رملية)
- بطولة ويمبلدون في انجلترا ( الأرضية عشبية)
ونهاية البطولات بتكون
- بطولة أمريكا المفتوحة للتنس
في أمريكا (الارضية صلبة)
طبعاً أنا متابعة الها من زمان وكنت أعشق اللاعب الأمريكي
صاحب الأصول اليونانية المعتزل والأسطورة
بيت سامبراس



من لاعبي الرجال ومن لاعبي النساء
كنت أحب اللاعبة الألمانية شتيفي جراف ..



حالياًكتير بيعجبني المصنف التالت والأول سابقاً السويسري
روجيه فيديرير



وبعده بفضل المصنف الأول الصربي
جوكوفيتش ..



ومابحب أبداً اللاعب الأسباني نادال ههههه
وهو المصنف التاني



مع الاحترام لكل محبيه ..
في الوقت الحالي بطولة رولاند غاروس شغالة
لعب فيديرير مباراة رائعة مع اللاعب الأرجنتيني دول بوترو
حسيته راح يخسر بس غلب بوترو شر غلبه
هو لاعب مميز وبيعمل لعبات ما حدا متله بيعملها ..
بيعجبني فيه هدوءه مهما كان الوضع أو النتيجة بالمباراة الي
بيلعبها ..
بتمنى اله كل التوفيق بالبطولة الحالية
وانه يفوز باللقب لانه صرح بأول السنة انه راح يستعيد لقبه
كمصنف أول ان شاء الله ..
يسلموا كتير عالموضوع والي رجعة ان شاء الله
بكل ما يخص لعبة التنس ..