السلام عليكم
موضوع بطل روزالينا 
كلماتك طالعة من قلب وواضح انه كله كلامك
موضوع شامل وكامل من كل النواحي
الله يسعدك كفيتي ووفيتي..وبشكرك جدا على محبتك ومؤازرتك...
بالنسبة للعنوان..
يعتذروا المسلمين عن شو؟؟عن حرب غزة في رمضان 2014 ؟ولا عن حرب 2008 ولا يمكن عن الانتفاضة التانية او الاولى..ولا حتى عن اغتصاب الارض في 1948؟؟!!
احنا ما بدنا اعتذار احنا بس ما بدنا يدخلو حكام العرب علنا في قضيتنا مظهرين حبهم وتعاونهم إلي هو في الباطن تعاون مع الغرب
والشعوب ما بتقدر تتملص من الحقيقة..وتختبىء وراء ستار حكامها
وتدعي انها ما بتقدر تتحرك بسببهم..المسلمين آآثمين ومن دون اي حجة او عذر
غزة حكاية..زي ما كانت الضفة ايضا حكاية في الانتفاضة الاولى والتانية
وزي ماكانت فلسطين كلها حكاية في
النكبة والنكسة
لكنها حكاية تروى فقط وقت الشاي زي ما قال الشاعر
احمد دحبور
وفي المراة اضحكني خيال رجالنا في المهد
وابكاني الدم المهدور في غير الميادين
تحارب خيلنا في السند ووقت الشاي نحكي عن فلسطين
إلي بعانيه اهل غزة شيء فوق الوصف
فوق الخيال
غزة ربما تاتي في المرتبة التانية في ابشع المجازر التاريخية في العالم
لكنهاا للاسف عم بتصير في عالمنا المعاصر
عصر الاعلام..الانفتاح..النهضة <<المفروض..!
الشعب الفلسطيني بآآمن ان على
هذه الارض ما يستحق الحياة
بيطلع وبيتنزع كل اوجاعه والآمــه وببدأ من اول وجديد
بعرف معنى الفرحة..السعادة وبقدر الحياة
الشعب الفلسطني مختلف..ام بتزغد لان اولادها ماتوا شهداء
أب طـــاير من الفرحة لان بنته نجحت في المدرسة وبعلن هالشي لكل العالم..فوق بيته المهدم..!!
طفل ببتسم وبفرح لانه بـآآمن بشجاعه رجال بلده..معــإنه مبتور الارجل..!
شــعب صامد شجاع بتحــدى وبعــيش...
ومش بس اهل فلسطيــن
اهل ســـــــوريا..الله وحــده معهم..الله وحده بيعرف شو بعــانوا
والشعب العربي ساكت على الدمار الي بصير هناك
على الهجرة على التشتت والتشرد والضياع على الفقر والجوع على المرض والتعب
على ضياع العلم والثقافة على الانفجارات على العمار إلي تحول الى غبار ورماد
نحنا بنقدر نحس فيهم وعارفين شو بعـانوا لانو ذقنا هالوجع من قبل ولا زلـنا
بس ما بإيدنا حيلة..العتب على الشعوب الاسلامية الاخرى....ولا اقلكم ما ضل عتب اصلا..!!!
حتى
العــراق..!!..بعد كل الي مرت فيه لسا الشعب العربي مش متحرك
مش قادر يساعد ينهض بالبلد
ينهض برمز وكيان الثقافة الاسلامية والعربية
يـرجّع المثقفين والمتعلمين..يرجع اسوواق الكتب مرة اخرى
خســــــــــــــارة...!! نحنا ما خذلنا..انما الشعب العربي خذل نفسه ولا زال يتوارى وراء ستار شـفاف..!!
ودائما نقــول
على هذه الارض ما يستحق الحيــاة
على ارض فلســطين ما يستحق الحيــاة