[القدس عربية]

زوزو حبيت تقريرك والله ..
وأحلى شي أسلوبك بسرد القصة ..
وصلني حبك للفيلم وعشقك اله من طريقة سردك ..
بدليل انها بأسلوبك ومش منقولة
غير تعليقاتك الزغنونة بين السطور ..
عجبني هالشي كتير رغم اني تهت ببعض أماكن
بس رجعت ركزت وفهمت عالأكيد ..
أنا بحب أفلام الروايات ولها معزة خاصة
بس لمن تكون فيها لو جزء قليل عن الحروب
ما بيعجبني هالشي ..
الفيلم عندي وشفت جزؤه الأول وفعلاً
متل ما حكيتي حسيت بالملل
لانه البداية شوي طويلة ومملة
لكن من سردك للقصة فعلاً الجزء الاخير هو الي
فيه كل الأحداث المهم أو الي بتلفت وبتشدنا كمشاهدين ..
أنا متعاطفة كتير مع الي أرسلوا لمارجريت ميتشيل بدهم جزء تاني ..
أغلب الناس بيحبوا النهايات السعيدة
خاصة في قصص الحب .. ومنهم أنا ..
فعلى هالنهاية الي حينتهي فيها الفيلم ماراح أشوفه خخخخخخخ
مش ناقصة وجع قلب والله ..
بس كمان الكاتبة مبدعة
لانه لو حتمشي ورا مشاعرها كانت خلت النهاية
سعيدة أكيد .. بس هي كتبت المنطق ..
وراعت عدالة السماء متل ما بيحكوا ..
ويمكن لو خلت النهاية سعيدة ما كان الفيلم ترك أثر كبير بالناس
متل ما ترك بنهايته الأصلية ..
فمتل ما قلتي النهاية عادلة
ولازم ما ننسى الرسالة أو الجانب التعليمي في القصة ..
انه مشاعر الناس مو على كيفنا حتى لو بيموتوا فينا
لكل انسان قدرة وطاقة يتحمل فيها ..
ريت برغم عشقهه الها بالأخير رفضها
مع انها متل ما حكيتي حبته بالفعل ..
بس بعد ما طفشته برفضها وعدم اهتمامها
كونه يرفضها بالنهاية
"ولا يأبه اطلاقاً "
أقل شي ممكن يعمله ..
برغم انها ندمت ونفسها تقنعه بحبها ..
بس كمان كان ممكن الكاتبة تكتب جزء تاني من باب اعطاء فرصة تانية
للبطلة هههههههههههه عشان تكفر عن ذنبها
تجاهه ..
ماأجمل الأدب وما أجمل الروايات العالمية ..!
ايراداته رهيبة ..
أعتقد الممثلين الي مثلوا بالفيلم لحد الآن أحفادهم أغنياء
من ايرادات الفيلم هههه ..
بس تعرفي زوزو نفسي يعيدوا تمثيله بنسخة جديدة
وممثلين جدد ..
لانه القصة روعة ومع لمسة عصرية ممكن
يعمل أرباح خيالية من جديد ..
عن نفسي بتمنى أشوفه بنسخة جديدة ..
بالنسبة للتصاميم ناعمة ومرتبة ..
يسلموا ايدين من عملها وايدين كل الي ساعدوك ..
والعفو يا عسولتي .. ما عملت شي ..
تقرير جميل وفيه منك كتير ..
بتمنالك كل التوفيق بالمسابقة ..