[القدس عربية]

باليومين المآضيه شفت فيلم :



الفيلم رومانسي وحلو ..
شاروخان ما زال ملك الرومانسية بلا منازع
من وجهة نظري ..
وماشآء الله مو باين فرق العمر بينه وبين البطلات الي معه ..
يعني الدور الي عمله دور شاب بأواخر العشرينات
وأتقنه ومظهره كان ملائم كتير ..
كاترينا أداءها كان حلو .. بس شكلها ورقصها هم الأحلى ..
أنوشكا .. أداءها جميل ومقنع ومؤثر ..
القصة حلوة بس طويــلة ..
و فيها بعض الأشياء
غير منظقية ..
هلّأ بنشوف أفلام فيها شي مو واقعي أو غير منطقي ..
بس ممكن نتقبلها بحسب نوع الفيلم
متل أفلام الخيال العلمي والرعب ..
بس الفيلم الي بحكي عنه مفروض انه
قصته واقعية أو بعيدة عن الخيال ..
الحبكة الدرامية بالفيلم من وجهة نظري ما كانت موفقة ..
أما المشكلة الأكبر .. والي تكلمت عنها قبل هيك بفيلم
Cocktail انه البطلات كاشفين من أجسامهم أكتر من ما ساترين
وهالشي وان كان موجود بالسينما والأفلام بس ما تعودنا
عليه في بوليوود .. أو خليني أحكي عن نفسي ..
هالمناظر ما تعودت عليها في الأفلام الهندية ..
وحتى لو كان في ما بيكون طول الوقت ..
كمان من الاشياء غير المقبولة والي الكل حكى عنها
هي المشاهد الغرامية الي بالفيلم ..
وشارو عرف الغلط الي عمله
وأعلن بعدين انه ما حيكرر هالشي في أفلامه ..
وفعلاً بتمنى مايكون هيك ..
أغاني الفيلم رووعة ..
كلها حلوة خاصة Heer
و Saans و Ishq Shava
الشي التوب بالفيلم أماكن التصوير ..
جميلة بشكل .. بتآآآآآآآآآآخد العقل والله ..
كلها من دون أي استثناء ..
وأعطت جو جميل للفيلم وكانت من العناصر الي
بتشد لمتابعته ..
بالأخير تقييمي للفيلم
8/10