معليش بصير صريحة مثل عامر فلا تزعلون مني بس ان مو كل أفلام عامر القديمة كانت حلوة. حتى هو يقول ان في أفلام سواها في الماضي ما تعجبه. دل فلم ساعد عامر كثير وشاله من ورطة كان فيها لأن أفلامه كانت تفشل بعد قيامت والناس صاروا يقولون عنه انه فاشل وما عنده غير فلم واحد ناجح. كانت الصحافة صعبة على عامر. فوقت ما سوا دل ربح الفلم و رجعوا يحبونه الناس. وهو بعد ك
ذا اخذ قراره أن ما يختار الا أفلام هو مقتنع فيهم.
وعامر قال ان مع انه مشكور للمخرج اندرا كومار (مخرج دل، ايشق، و مان) لأن عمل دل بس ان أذواقهم في الأفلام مختلفة. أنا ما عجبني غير مان من الأفلام الثلاثة هذي و حتى مان لو كان المخرج أشطر كان طلع أحلى لأن القصة حلوة. وعامر كان من رأيه ان يعملون الفلم بطريقة مختلفة بس المخرج ما سمع كلام عامر واخرتها ان الفلم ما نجح.
و دل ما عجبني لأن القصة ما دخلت مخي. ارتعت لمن مادهوري انجنت وجرحت نفسها عشان أبوها منعها تشوف عامر. بغت تموت. بداية الفلم حلوة بس. وعامر كان رهيب في الفلم.
بس أنا مثلكم أستمتع بكل أفلام عامر رغم ان مو كلهم بنفس المستوى. وجود عامر في الأفلام يخليني ما أقدر أفوت أي من أفلامه لأن تمثيله دايما يبهرني 