[ღأسرارღ]

1- ماهو كتابك المفضل وبما تصفينه في كلمات معدوده ؟؟
كتاب استمتع بحياتك للعريفي ..
هو كتاب يحمل طابع ديني بس باسلوب خفيف و ممتع ..
يعني كتاب جامع بين المنظور الديني والنفسي ..

2-لااسمع لا ارى لا اتكلم ,, متى تطبقين هذه المقوله بحياتك؟؟
لما انبه شخص على غلط معين وانصحه انو يتركه ..
و مع تكراري لنصحه ، هو مش مستجيب الي..
وقتها بقول :اللهم اني بلغت اللهم فإشهد..
و انا لا اسمع لا ارى لا اتكلم ..

3-ماهو اكثر شي يحرجك
انو ما يسعفني لساني و اعبر صح ..
بموقف انا اكون بأمسّ الحاجة فيه للتعبير عن اللي بداخلي بطريقة مفهومة !! خخخ

4-لو الزمان عاد يوما ما الشي الذي ستفعلينه مره اخرى وما الشيء الذي لن تفعلينه مره اخرى؟؟
اللي رح اعمله مرة تانية امم اظن رح احاول اشوف كيف كنت عايشة
قبل كم سنة..لاني فعلا كنت وقتها سعيدة .. او يمكن كنت صغيرة و ما
فهمت الدنيا صح ..
اما الشي اللي مارح اعمله ، انو اتخلى عن حلمي بسهولة..
و ما اتشبث فيه ... و ما ارد على اي انسان تدخل بقرار بخص حياتي
حتى لو كان هالانسان اقرب الناس الي ..

5-شيء حدث بحياتك غير مجرى حياتك ؟
بتمنى يصير معي هيك شي ويغير مجرى حياتي للافضل اكيد..
للاسف لهلأ ما صار معي هيك شي..

7--حلم لا تستطيعين تحقيقه؟
كتير احلام كان نفسي احققها بس للاسف الظروف كانت اقوى مني ..

8-مـوقـــف صــدمــك ولــن تنسـتيه
لما اعز صحباتي تغيرت علي ..
و بدون سبب وجيه..
وبشكل عام : لما احط كل املي بشخص ..
و بالاخر يخذلني ..

9--حمـامة زاجـــل حاملـــة رســالة لـك,,,من من تتمنـى ان تكــون؟
من الامارات ..
من عمي بالتحديد ..
يبشرني بخبر بستناه انا واهلي من سنين ...

10-صــفي نفســـك بكلمتيـــن فقـــط..!
طيبة و حقانية"يعني ما بأدر اشوف غلط واسكت عنه"

11- عضوه تبين تهدينها بيت شعر ايش هو بيت الشعر
فَمَا أَكْثَر الأَصْحَـابَ حِينَ تَعُـدُّهُمْ
ولَكِنَّهُـمْ فِـي النَّـائِبَـاتِ قَلِيـلُ

هادا اللي حسيته لما كانت نفسيتي تعبانة..
على اد ما عندي صحبات
بس ارتحت لما فضفضت ل غلا و تابو
عنجد بحسن خواتي
والبركة بباقي صديقاتي كلن عسولات كمان


12-عضوه نشيطه
كتير في اعضاء نشيطين، بس اللي بذهني حاليا تابو
ماشاء الله عليها زي النحلة هه

13-عضوه مفقودة
اسراء كابور عنجد افتقدتها
وينك؟؟؟

14-افضل شخصيه في رأيك
الرسول عليه الصلاة والسلام
لانو جامع للكمال الانساني .. يعني شخصيته مميزة بكل الزوايا:
النفسي و القيادي والاخلاقي و طبعا الديني ..
اما شخصية فنية بحبها شخصيا:
هي جانغ كيون سوك
بموت عليه و هو الوحيد اللي بحسه مثالي بكل شي
وبموت لو ما شفت اخباره يوميا

15-ماالذي يفرحك
خبر حلو او هدية مش متوقعة ...

16-ماالذي يحزنك
على الصعيد الشخصي:انو بوقت ضيقي ما الاقي مين يحس فيّ..
اما بشكل عام: قطع صلة الرحم اللي صايرة هالايام ..

17-ماهي حكمتك بالحياة
العبد في التفكير والله في التدبير
لانو بتهون على الواحد لما يسعى وقت طويل ورا حلمه..
وبالاخر ما يحصل عليه..
فبيعرف انو الله مش رايدله هالشي..
ومخبيله اللي احسن منه ان شاء الله

18-حلمك في الحياة؟
اصادف فارس احلامي اللي ببالي على ارض الواقع ..
يعني يكون نفس اللي راسميته بخيالي

-19افضل شهـر بالسنه والسبب
امم كأشهر ميلادية اكيد رح احكي شهر 6
لانو انولدت بهالشهر
اما كشهر ميلادي اكيد شهر رمضان
شهر كل روحانية وايمان
و كل انسان بهالشهر بيعطي افضل ما عنده ..
و كل لحظة بتصير مهمة ..+
جمعة العيلة ..

20-أجمل سنوات مرت عليك؟
سنوات الثانوية..
كان كل همي الدراسة و بس يعني بسعى لهدف معين ..
و كل صديقاتي حواليّ ..

*لماذا عندما تبكي لماذا تحاول تخفي دموعنا ؟
لانو الانسان بطبعه بخجل من انو يفصح عن مشاعره الحقيقية ادام الناس
خاصة الرجل ..
و اصدق وقت بنكون فيه لما تنزل دمعة الانسان ..
اظن انه ضعف خاصة لو بكيت امام الشخص الغلط ..
او اللي ما بستحق تنزل دمعتك عشانه ..

و بالنهاية شكرا كتير لقلبي سالو
الاسئلة كتير كانت حلوة وخفيفة
واستمتعت وانا بجاوبها